Vik kommune næringsfond 2026

Vik kommune næringsfond 2026 Opprett ny søknad på støtteordning Retningslinjer for tilskot til næringsformål Vedteke i Vik kommunestyre 2022. 1. Generelt om reglementet Vik kommune får årleg inntekter frå vasskrafta i kommunen gjennom konsesjonsavgifter som vert satt på eit fond – kraftfondet. Fondet skal, i følgje vedtektene, nyttast til å fremja etablering av ny næringsverksemd og vidareutvikling av eksisterande verksemder i kommunen. Frå kraftfondet gjev Vik kommune tilskot til næringstiltak som: ? Skapar nye arbeidsplassar, enten ved etablering av nye verksemder eller ved utvikling av eksisterande verksemder. ? Trygger eksisterande arbeidsplassar. ? Aukar produksjonen i landbruket ? Aukar bulyst og omdømme til kommunen gjennom utvikling i bygdene. Det vert gjeve fire ulike typar tilskot: ? Oppstarts- og opplæringstilskot Tilskot til nyetablering, kurs og kompetanseheving, tilsetting av lærlingar og traineear i nye stillingar. Slike tilskot vil ha mindre krav til søknad, handsaming og rapportering enn store prosjekt. ? Prosjekttilskot Tilskot til investeringar i næringsbygg, produktutvikling, driftsmidlar og liknande. Vik kommune er positive til god idéar og satsingar i kommunen og ynskjer å bidra til at dei rette idéane vert realiserte. ? Bygdeutvikling og omdømebygging Tilskot til arrangement og andre tiltak som bidreg auka til bulyst og omdømme. ? Landbrukstilskot Særlege tilskot til landbruk.

Offisiell informasjon hos Vik kommune